Real Madridi do të kthehet te trajneri gjerman Joachim Low nëse ata shkarkojnë francezin Zinedine Zidane.

Zidane është vënë nën presion të madh këtë sezon dhe barazimi i të shtunës ndaj rivalit lokal Atleticos bëri që kampioni i Evropës të jetë dhjetë pikë prapa Barcelonës në garën për titull, transmeton portali arbresh.info.

‘Don Balon’ raporton që presidenti i ‘Los Blancos’, Florentino Perez, dëshiron të zëvendësoj francezin në mënyrë që trajneri gjerman me përvojë të kthej ata në garën për titull. Megjithatë, shanset që trajneri 57-vjeçar të largohet nga kampioni i botës duken të vogla pasi ai dëshiron të ndihmoj Gjermaninë që të mbroj titullin e tyre verën e ardhshme në Kampionatin Botëror.

Po ashtu, në dhomën e zhveshjes te Reali duket se ka përplasje pasi Cristiano Ronaldo është konfrontuar me Zidanen para barazimit ndaj Atleticos.

Gazeta e lartpërmendur shton që 32-vjeçari nuk është i lumtur me jetën në Madrid dhe ka kritikuar ashpër Zidanen për shitjen e lojtarëve si Pepe, Alvaro Morata dhe James Rodriguez./arbresh.info/